Dijlit Al-Basra k Dajjal ki ghalath fehmi

Sawaal:

Salam alaikum wa rahmatollah sab Ansar ko. Allah aap sab per rehem farmaaye Main ek naya ansar hoon Malaysia se, aur mujhe Malaysian Shia ke sawalat ka jawab dene ke liye kaafi ilm nahi hai.

Aaj kisi ne mujhe Kurani ki ek nayi kitaab di, Dajjal of Basrah
   (http://www.alameli.net/books/index.php?book=119&part=1).

Meri Arabic kaafi kamzor hai, is liye mujhe sirf yeh maloom karna hai ke kya is kitaab ke nuktay sahi hain?

Shukriya.

Jawaab:

Salam Alaikom wr wb

Basra se koi Dajjal nahi hai, balke Dijlat Al-Basra se Dajjal ka zikr hai. Yeh Kurani ki sabse bari ghalti hai. Usne kaha ke Dajjal Basra se hai, jabke hadees mein yeh baat nahi ki gayi. "Dijla" ka matlab hai Basra mea Tigris Nadee (Tigris river of Basra), jo Meesan mein hai.

Haydar Imshatat woh pehla shaks tha jisne daawa kiya ke woh Imam Ahmad Al-Hassan Al-Yamani hai, aur phir woh Imam Ahmed AlHasan k saath ek Mubahala k baad halaak ho gaya. Haydar Imshatat woh Dajjal tha jo Dijlat Al-Basra se tha, aur usne daawa kiya ke woh Yamani hai.

Haydar Imshatat pehle Ansar mein se tha, aur Imam Ahmad Al-Hassan a.s ke qareebi Ansar mein shamil tha. Lekin phir usne Imam Ahmad Al-Hassan a.s  ko chorh diya aur logon se jhooth bol kar apne aap ko Yamani kaha. Imam Ahmad Al-Hassan a.s ne usse Mubahala ke liye bulaaya. Jab Mubahala hua, to kuch din baad Haydar Imshatat halaak ho gaya, jab U.S. troops ne usse goli maar kar hilaak kar diya.

Imam Ali (as) ne farmaya:
“… Aur Fatima ke aulad mein se Dajjal se bacho. Yaqeenan Fatima ki aulad mein se kuch Dajjal hain. Ek Dajjal (Dijla) Basra mea Tigris se aayega, aur woh mujhse nahi hai. Aur woh saare Dajjal mein se pehla hoga.”

Malahim wal Fitan by Ibn Tawoos, P. 249 (Chapter 37, Hadith No. 362)

Tigris of Basra Meesan se shuru hoti hai, aur Euphrates Nasirya se shuru hoti hai.
Shatt Al-Arab Euphrates aur Tigris ka sangam hai.

Top of Form

Bottom of Form

Is ke ilawa, Imam Ahmad Al-Hasan ne apne dalail aur saboot apni kitaabon mein pesh kiye hain, lekin badqismati se Sheikh Korani in dalail aur Yamani ke ilm ka jawab nahi de sake. Is wajah se unhone is bekaar hikmat ka sahara liya, jo ke Yamani ko Dajjal kehna hai.

Aur jo unke nateeje ko aur zyada afsosnaak banata hai, woh yeh hai ke unhone hadees ko theek tarah se nahi padha aur Dijlat Al-Basra ke Dajjal aur Basra ke Dajjal mein faraq nahi samajh sake. InshAllah, woh readings jo maine upar post ki hain, in ghalat fehmiyon ko door karne mein madadgar sabit hongi.

Yeh wahi hathiyar hai jo Wahabis ne Imam Al-Mahdi عليه السلام (12th Imam) ke khilaf istemal kiya tha, aur Christians ne Nabi Muhammad ﷺ ke khilaf kiya tha. Yeh log har tarah ke zariye talash karte hain taake paigham ko duniya mein phailne se roka jaye, bagair kisi tehqiqat, jaanch aur sawal jawab ke.

Imam Ahmad عليه السلام andhi taabeedari karne walon ko nahi chahte, balki woh ilm walon ko apne saath chahte hain jo samajh kar unka paicha karein.