Uski nasl mashkook (Chupi hui) hai

Qaim k baare mea Imam Ali a.s ka khoul

Kya Allah ki nusrat aakhir-uz-zaman mein us shakhs ke sath hogi jiska nasab chhupa hua ho?
Kya Imam Al-Mahdi (a.s.) ka nasab posheeda hai?
Aur woh shakhs siwaye siyah parchamon walay mard, Yamani Ahmed Al-Hasan (a.s.) ke aur kaun ho sakta hai?

Al-Zubaidi ne Taj-ul-Aroos mein kaha:
“Khamel: apni pehchan aur awaaz mein chhupa hua; ‘Khamoolan’ ka matlab hai posheeda / chhupa hua.”
— Taj-ul-Aroos, jild 14, safha 212
(Arabi Lughat)

Imam Ali (a.s.) ne Kufa ke mimbar par farmaya:
“Zaroor ek chakki hogi jo pees degi, aur jab uska dhura chalna shuru hoga to Allah apna sakht banda bhejega, jiska NASAB CHHUPA HUA hoga (Khamelan Aslaho). Fatah ussi ke sath hogi. Uske sathi lambe baalon walay honge, Sibal ke log, unke kapray siyah honge, aur woh siyah parchamon walay log honge.”

— Ghaybat-ul-Nu‘mani, safha 265

“Aslaho” ka matlab:

Sheikh Nathem Uqaily kehte hain:
“Logon ke darmiyan yeh baat mashhoor aur tasleem-shuda hai ke jab kaha jaye ‘Asl falan ka’, to is se nasab / lineage murad hota hai.”

Aur koi bhi shakhs Lisaan-ul-Arab dekh sakta hai. — jild 1, safha 310