Page 439 - Quran-e-Kareem

16 Sureh Nehl (439) 14 para
th
th

Kuch bhi na jante the aur ussi ne tumhaare liye kaan aur ankhen aur dil

banadiye taake tum shukr ada kiya karo. 16:78 kya un logon ne un

parindon ki taraf jo asmaan se khala mein taabe fermaan udte rehte hain

khayal nahin kiya us maqam per siwaaye khuda k unko koi aur roke hue

hai. Beshak imaan wale logon k liye ussi main nishaniyan maojud hain

16:79 aur Allah ne tumhaare liye tumhaare gharon mein araam ki jagah

banai aur tumhaare liye chaopaiyon ki khaal se makaan [yaani khaymein]

muqarrar kerdiye jinko tum apne kooch k din aur maqam ka din [uthane

bithane main] halka phulka paate ho aur bhayroun ki oon se aur oontoun

ki oon se aur bakriyon k balon se tumhaare liye odhne bichane k samaan

aur nafa uthane ka asbaab ek waqt e moiyyan tak k liye [muqarrar ker

diya] 16:80 aur jo jo cheezen Allah ne paida ki hain un mein se baaz k

saaye tumhaare liye banadiye aur pahadon mein tumhaare basne k liye

mehfooz maqam muqarrar kiya aur tumhaare liye aise kapde paida kiye jo

tumhen garmi se bachaate hain aur aise libaas banaye jo tumko aapas k

hamlon se mehfooz rakhte hain. Is terha wo apni nemat tumper poori

kerta hai taake tum haqeeqi itaat karo. 16:81