Page 773 - Quran-e-Kareem

42 Sureh Ash-shura (773) 25 para
th
nd

Wahi ki hai aur jiski baat humne Ibrahim a.s. aur Musa a.s. aur Esa a.s.ko

wasiyat ki thi k deen ko qaim rakho aur uske baare mein firqe firqe na ban

jao. Mushrikon per wo amr jiski taraf tum unko bulaate ho bahut giran

guzra. Allah us amr k liye jisko chahta hai muntaqib ferma leta hai aur

taufeq-e-hidaayat ussi ko ata kerta hai jo uski taraf ruju kare 42:13 Aur

baad iske k unke paas ilm aachuka tha wo mehez aapas k hasad k baaes

firqe firqe ban gaye aur agar tumhaare parwardigaar [ki taraf se mohlat] ka

hukum ek muddat e moaiyyana k liye na ho chukka hota to unke maabain

[kabhi ka] faisla ho chukta aur beshak jin logon ko unke baad kitaab ka

waaris kiya gaya wo [ajtak] uske baare mein shak hi mein hain jo unhe

damadol kiye hue hai 42:14 pass [ae Rasool saws] tum ussi ki taraf unko

bulaae jao aur jaisa tumko hukum diya gaya hai waise hi qaim raho aur

unki khwaahishoun ki pairawi na karo aur ye kehdo k Allah ne jo kitaab

naazil ki hai main us per imaan laya hoon aur mujhe hukum diya gaya hai

k tumhaare mabain adaalat karoon. Allah hamaara bhi parwardigaar hai

aur tumhaare bhi. Hamare amaal hamare liye hain aur tumhaare amaal

tumhaare liye. Hamare aur tumhaare