Page 369 - Quran-e-Kareem

11 Sureh hud (369) 12 para
th
th

Se hai ussi per main ne bharosa kiya hai aur ussi ki taraf main ruju kerta

hoon. 11:88 aur aye meri qoum meri muqalefat kerna kaheen tumko us

taraf na le aaye k tumper bhi waisi hi museebat padhe jaisi k qoum e Noah

(a.s) ya qoum e Hud a.s. ya qoum e salih a.s. per guzar chuki aur qoum e

Lut a.s. k aur tumhaare mabain kuch zyada zamana bhi nahin guzra 11:89

aur apne parwardigaar se maghferat maango phir ussi ki taraf ruju karo

beshak mera parwardigaar bada rehem kerne wala [aur] muhabbat kerne

wala hai. 11:90 unhone jawab diya k aye Shoaib a.s. jo kuch tum kehte ho

hum to uska bahut sa hissa samajhte hi nahin aur hum khud ye dekhte

hain k tum hum mein kamzor ho aur humko tumhaare groh ka khayal na

hota to hum tumper pathrao kerdete aur hamaari nazron mein tumhaari to

kuch izzat hi nahin hai. 11:91 [hazrat Shoiab a.s. ne] fermaya k aye meri

qoum aya mere bhaiband tumhaare nazdeek khuda se bhi zyada muazziz

hain halanke tumne uske hukum ko pas e pusht dal diye. Beshak jo amal

bhi tum kerte ho mera parwardigaar usko ehata kiye hue hai 11:92 Aur aye

meri qoum tum apni jagah jo jee chahe karo main bhi kuch kerne wala

hoon aage chal ker tum khud maloom kerloge k ruswa kerne wala azaab

kis per nazil hota hai aur jhoota koun hai.