Page 384 - Quran-e-Kareem

12 Sureh yusuf (384) 12 para
th
th

Saath baras sakhti k aaenge jin mein siwaaye us thode se k jo tum beenj

waghaira k liye rakhte ho aur jo kuch jama kiya hoga sab khajaenge. 12:48

phir uske baad ek aisa baras aaega k jis mein log saer o sairaab ho jaayenge

aur jis mein wo nichodenge. 12:49 badshah [ne jab ye tabeer suni] hukum

diya k tabeer kerne wale ko mere paas lao, jab shahi qasid hazrat Yusuf a.s.

k paas aaya to unhone fermaya k tu apne aakhaa k paas palat ker ja aur ye

kehde k awwal un aurton k baare mein tehqeeq kare jinhone apni apni

hath kat dale the, mera parwardigaar to unke chalattar(chaal saazi) se

khoob waqif hai. 12:50 badshah ne [un aurton ko bula kar] deryaaft kiya k

tumne jab Yusuf a.s. ko phuslaya to tumhaari kya kaifiat thi, unhone ye

kaha k mashallah k humne us mein koi badi nahin pai. Azeez e misr ki

begum ne izhaar diya k abto haq khul hi gaya, maine usko phuslana chaha

tha aur wo apne bayan mein bilkul sachha hai. 12:51 [maine saaf izhar

dediya] isliye k [Yusuf a.s.] jaanle k maine pas e pusht uske haq mein koi

qayanat nahin ki aur ye k Allah qayanat kerne walon ki chaal nahin chalne

deta.12:52