Page 452 - Quran-e-Kareem

17 Sureh Bani-Israeel (452) 15 para
th
th

Hisaab lene ko to khud hi kafi hai. 17:14 Jisne hidaayat pai to usne apni

zaat k liye hidaayat pai aur jo gumrah ho gaya pas uski gumrahi ka wabal

ussi per hai. Aur koi bojh uthane wala kisi doosre ka bojh nahin uthaega.

Aur hum jabtak Rasool na bhejden azaab dene wale nahin hain. 17:15 Aur

jab hum kisi basti ko halak kerdene ka iraada kerte hain to hum usmein

maldar logon ko zyada ker dete hain. Pas wo ussi basti mein [hamaare

ehkam k bare mein] nafarmani karne lagte hain phir wo basti azaab ki

mustahaq ho jati hai. 17:16 Phir hum usko poora poora tabah kerdete

hain. Aur Noah k baad hum kitne hi gurohon ko halak ker chuke. (toye)

Aur tumhaara parwardigar apne bandon k gunahon ki dekh bhal ko kafi

hai.17:17 Jo dunya ka khwaastagar hota hai to hum usmein se jiske liye

chahte hain jitna chahte hain jald use dedete hain. Phir humne uske liye

jahannum muqarrar kiya hai.(jeem) Wo usmein bure haal se aur rehmat e

khuda se mehroom hokar chala jaayega 17:18 aur jo akhirat ka

khwaastagar hua aur uske husul k liye aisi hi kohshish ki jaisa k kohshish

kerne ka haq hai dar halaanke