Page 583 - Quran-e-Kareem

25 Sureh al-furqan (583) 19th para
th

[aur] rehem kerne wala hai 25:70 aur jo shaqs taoba kare aur nek amal

bajalae to wohi Allah ki taraf poora poora ruju hota hai. 25:71 aur wo

[khuda k khaas bande] ba’di ki jagah hazir nahin hote aur jab kisi behudaa

cheez k paas se guzarte hain to buzurgana andaz se guzar jaate hain. 25:72

aur jiswaqt unko unke parwardigaar ki aayaton k zariye se naseehat ki jaati

hai to unper behre aur andhe hokar nahin girte 25:73 aur wo ye arz kerte

hain k aye hamare parwardigaar humko hamaari azwaj ki taraf se aur

hamaari aulaad ki taraf se ankhon ki thandak inaayat ker aur humko

perhezgaron ka peshwa banaade 25:74 unhi ko unke sabr kerneke

muaaweze mein ooncha maqam diya jaayega aur us mein har taraf se unko

mubarakbaad dijaegi 25:75 aur salaam [kiya jaega] hameshan ussi mein

rahenge wo kaisi achi jaa-e-kharar hai aur kaisa acha maqam 25:76 tum

kehdo k agar tum dua na kerte hote to mera parwardigaar tumhaari kuch

perwa na kerta. Ab yaqeenan tumne jhutlaya hai to aage chalker yehi

takzeeb tumhaare gale ka haar hogi 25:77