Page 430 - Quran-e-Kareem

16 Sureh Nehl (430) 14 para
th
th

Aur jo log perhezgar hain unse ye kaha jata hai k tumhaare parwardigaar

ne kya nazil kiya hai, to wo kehte hain k khair [nazil ki hai] jo neki kerte

hain unke liye is dunya mein bhi neki hai aur akhirat k ghar behtar hai

aur perhezgaron ka ghar aur bhi acha hai 16:30 dawami {hameyshaa rehne

waale} baghaat hain jin mein wo daakhil ho jaenge, unke neeche nadiyan

behti hongi [aur] unmein jo kuch wo chahenge unko milega un

perhezgaron ko khuda e taala aisi hi jaza dega 16:31 jinka khatma

farishtoun ne aisi halat mein kiya hoga k wo paak o saaf honge aur farishte

unse ye kehte honge salam aleikum, jo amal tum kiya kerte the uske awaz

tum jannat mein jao 16:32 kya ye iske intezar mein hain k farishte unke

paas ajaen ya tumhaare parwardigaar k hukum e azaab unper aajae. Jo

unse pehle the unhone bhi aisa hi kiya tha aur Allah ne unper koi zulm

nahin kiya balke wo apni janon per [aap] zulm kiya kerte the 16:33 phir

unki kertoot ki burai unhen mili aur jin cheez ki wo hansi udaya kerte the

ussi ne unko aan ghera 16:34