Page 353 - Quran-e-Kareem

th
th
11 Sureh hud (353) 12 para

Aur zameen mein koi chalne wala nahin magar ye k uska rizq khuda

k zimme hai aur wohi [khuda] uske rehne ki jagah ko [aur paidaish se

pehle ke] uske sipurdagi k maqam ko janta hai khuli kitaab mein har baat

maojood hai. 11:6 Aur wo wohi hai jisne asmaanon ko aur zameen ko 6

din mein paida kiya aur iska arsh pani per tha taake tumko azmale tum

mein se zyada nek amal kon hai aur [ae Rasool saws] agar tum ye kaho k

tum log maut k baad zaroor uthae jaoge to kafir zaroor ye kehdenge k yeto

khula jaadu hai. 11:7 aur agar hum unke azaab ko ek gine hue groh k aane

tak rok rakhenge to yehi zaroor wo kahenge k kya cheez unko rokti hai.

Khabardar ho jao k jisdin wo unper aaega phir unse hargiz dafa na hoga

aur jaisa k wo uska mazaq udaya kerte the waisa hi wo unka ehaata

karlega. 11:8 aur agar hum insaan ko apni taraf se rehmat ka maza chakate

hain phir us se usko cheen lete hain to zaroor wo bada na umeed aur na

shukra ho jata hai.11:9