Page 209 - Quran-e-Kareem

6 Sureh Al-Anam (209) 7 para
th
th

Hum jaantey hain k jo kuch wo kehtey hain usey tumko ranj pohonchta

hai mager wo haqeeqat mein tumko nahi jhutlaatey balkey ye zalim Allah

ki nishaniyon ka inkaar kertey hain 6:33 aur tum sey pehley bohhot se

rasooloun ki takzeeb ki gayi hai phir unhoney apney jhutlaye janey per aur

takleef diye janey per saber kia jabtak k unkey pass hamaari madad na aayi

(jeem) aur Allah k kalmon ko koi badalney wala nahi hai (toye) aur

tumhaarey (pass bhi) bohhot se paighambaron ki khaber achuki hai 6:34

aur ager unka rogerdaan hona tumko aesa hi nagawar hai tu ager tumsey

hosakta hai tu zameen mein koi soorakh talash karo ya aasman per koi

seerdhi (laga ker chardh jao) k unko koi nishani lado (toye) aur Allah

chahta tu unko hidaayat per (jabaran) amada kerta pus tum jahilon mein

se hargiz na hona 6:35 siwaaye iskey nahi hai k wohi log qubool kerletey

hain jo (tawajoh se) suntey hain (toye) aur murdon ko khuda ta’ala

maboos karega phir wo uskey huzoor mein lotaaye jaingey 6:36 aur

unhoney ye kaha k uskey perwerdigaar ki taraf se koi nishani kyun na

nazil ki gayi tum kehdo k Allah tu is amr per beshak qadir hai